جمال الالفى

الموهوبون .المبدعون .
 
الرئيسيةالرئيسية  البوابةالبوابة  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
يتقدم الاستاذ جمال على الالفى بخالص التهانى لحضراتكم بمناسبة حلول العام الجديد 2017.. لكل من يعمل فى حقل التربية والتعليم... وتحيا مصر .... جمال على الالفى .. معلم أول (أ) لغة انجليزية بمحافظة الاسكندرية.. 01282081265

شاطر | 
 

 لهجه الاسكندريه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin

avatar


مُساهمةموضوع: لهجه الاسكندريه   2011-07-14, 2:06 pm

لهجة إسكندراني

اللهجة الاسكندرانية هى و اللهجة القاهرية أساس اللهجة المصرية العامية و لذلك لانهما المركزان الحضريان فى مصر و لكن تأثرت اللهجة الاسكندرانية أكثر بوجود الاجانب فى مصر لان معظم الاجانب و خاصة اليونانين كانوا يفضلون البقاء بالاسكندرية لقرب مناخها من مناخ أوربا

أشهر كلمات اللهجة الاسكندرانية

(كولة) ويقصد بها ياقة القميص
(منفيستو) و يقصد بها الكتيبات الصغيرة جدا التى يستخدمها التلاميذ من أجل الغش في الامتحان
(جومة) والمقصود بها الاستيكة
(مستيكه) والمقصود بها اللبان او العلك
(كيس) والمقصود بها الشنطه التى تحمل بها الاطعمة او المشتريات
(أيُو) والتى تستخدم للتعجب والدهشة وأصلها غير معروف حتى الآن
(جنى) بمعنى جنيه
(فلافل) وهي أكلة شعبية معروفة باسم (الطعمية)
(بنحبوه) بنحبه
(قمة) المقصور ناصية الطريق
(نحطوه) نضعه في مكان
(طيارى) بسرعة
(احية) تدل علي الخوف
(نولع النور) انارة النور
(نعملو) سنعمل
(ناكلو) سنائكل
(نشربو) سنشرب
(حنروح) سنذهب
(مشروع) نوع من انواع وسائل المواصلات ويسمى ايضا ميكروباص
(شط) شاطىء
(انى) انا
(ع البحر) المقصود بها على الكورنيش

يضع- أهل أسكندرية – فتحة في معظم الأفعال الماضية مثل: مشي بمعنى غادر تنطق مشا
شِبطّ بمعنى تمسك تنطق شَبط

في اسكندريه بنقول :

النابوليا………علي الموبليات

مولة السرير….علب عوارض السرير

الكراكون…..علي قسم البوليس

هريسه……..علي البسبوسه

باسطه………علي الجاتوه

طجين……….علي الطاجن (بتاع الاكل في الفرن)

مندر الكنبه…………علي مرتبة الكنبه

شوار العروسه……..علي جهاز العروسه

كرنبيت………….علي القرنبيط

تربيعه………..علي المنديل الذي يربط به رأس النساء في البيت

فلافل…………علي الطعميه

شربات ( بفتح الشين وتدليع التاء الأخيره) ……..علي الشربات ( بسكون التاء وتضخيم التاء الاخيره حتي انهم ينطقونها في القاهره شرباط) طبعا علي العصائر

مستيكه……….علي اللبان (العلكه)

جومه……….علي الاستيكه (الممحاه)

الشتا ………..علي الامطار

مشروع…………….علي الميكروباص( وعلي فكرة ده حل اسكندراني أنشأ في السبعنيات من القرن الماضي علي اعتبار انه فكره لحل مشكلة المواصلات المزمن أما اللهجة الاسكندراني فمفيش منها حاجة خفيفة ع الودن والقلب زي نسيم العصاري بالظبط وايه يعني لما نقول شي مش أحسن من شااااااااي بتاعة القهوجية
احنا متعودين نقول الكلام بصيغة الجمع
مثلاً
نعملو – ناكلو – نشربو – نلبسو
وكماااااان
نفتح الكلام
مثلاً
رَكبت – نَزلت – شَربت
ذى مثلاً القاهريين بيقولو على الطماطم قوطة
واحنا بنقول جبنة تركى – وبيقولوا جبنة رومى ))
وكمان بيقولو,, نئيد النور – احنا بنقول نولع النور
وكمان بيقولوا اليمة التانية ( بالنسبة لتعدية الشوارع ) اما احنا , الجهة التانية
طبعا والكلمة الشهيرة للاسكندرانية ايووووووووووووووووو

استخدام صيغة الجمع بدلا من صيغة المفرد المستخدمة عند اهل القاهرة كما هو واضح في المثال السابق وايضاً هناك فروق في نطق اسماء بعض النباتات مثل في الاسكندرية يقولون ( طماطم ) واهل القاهرة يقولون ( قوطة) وهناك ايضاً البازنجان اهل القاهرة يقولون ( بتنجان ) اهل الاسكندرية يقولو ( بدنجان ). ولكن الآن مع كل هذا الأنفتاح أصبح أهل الأسكندرية خاصة المتعلمين يستخدمون اللهجة التلفزيونية المصرية القاهرية العادية
شلم على ال 5 ساغ
قاط – علي الدور
مكنسة – علي المقشة

اللهجة المصرية يفهمها أغلب العرب، لأن أصلها من العربية الفصحى المشربة بكل اللهجات من الرومية و حتى الفينيقية أو الحيثية و التركية وأحيانا يستخدمونها في التفاهم سويا، لكونها لهجة بسيطة
ليست للهجة المصرية قواعد ثابتة بل ليس لها قواعد اصلا لأنها تختلف من مكان لآخر بل ومن حي لحي بل ومن مهنة لمهنة بل ومن ثقافة لأخرى فهي مجرد لهجة من اللهجات التي تنطق بها اللغة العربية. والمشهور منها تخفيف الكلمات بصفة عامة فغالبية المصريين لا يفرقون في نطقهم بين الذال والزاي والظاء فكلهم زاي وأحيانا اذا تعثر نطق الذال أو الظاء بزاي تراهم يستبدلونها بحرف أخر وكذلك الثاء فتراهم ينطقونها سين أو يستبدلوها بحرف أخر أو بتبديل أماكن الحروف فمثلا:

وهناك خاصية أخرى في اللهجة المصرية وهي (دمج الكلمات) وهي في أغلب اللهجات العربية الأخرى أيضا ، فمثلا:
ما عليه شيء = ماعليهشي = معلش
ما أكلت شيء = ماأكلتش = ماكلتش
على شأن = عشان (حذفت اللام لتسريع الكلمة; أصلها “علَشان”)
ما كان شئ = مكانش

المضارع في اللهجة المصرية أو مايمكن تسميته المضارع المستمر يكون دائما بإضافة باء إلى الفعل في المصدر:
أنا أشرب الآن = بشرب
أنا أنام الآن = بنام
أنا أحبك = بحبك
اما المستقبل في اللهجة المصرية فيعبر عنه في أغلبية المناطق بحرف الهاء وفي البعض بحرف الحاء عوضا عن سين المستقبل في الفصحى:
سأشرب = هشرب = ح شرب
سأقتل = هقتل = ح قتل
أما أداة النفي المصرية فهي (مش)
ومش تعني (لن) ولكنك اذا أردت استخدامها ك(لم) أو (لا) تنفصل فتأتي الميم في أول الكلمة والشين في آخرها :
لن أشرب = مش هشرب مش ح اشرب
لا أشرب = مابشربش
لم أشرب = مشربتش
الحروف الأبجدية التي ينطقها المصريون بطريقة مختلفة
ث = وينطق تاء أو سين
ج = وينطق جيما حنكية قصية [g] غير معطشة في شمال مصر كما في بعض مناطق عمان ولهجتي تعز وعدن في اليمن . أما في الصعيد فهي جيم معطشة كما في الحجاز ونجد وبعض اللهجات اليمنية ولهجات عربية أخرى.
ذ = وينطق اما دالا واما زايا وتوجد نفس الظاهرة في السودان،الحجازفي الممكلة العربية السعودية، وحتى في معظم دول الشام العربي.
ظ = وينطق اما زايا مفخمة أو ضادا، وتوجد نفس الظاهرة في السودان، السعودية وحتى في معظم دول الشام العربي.
ق = وينطق كالهمزة غالبا فكلمة قمر تنطق أمر ونفس الوضع في دول الشام العربي.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هند

avatar


مُساهمةموضوع: رد: لهجه الاسكندريه   2011-07-15, 6:21 pm

معلومات جميله والله ومفيده دحنا مكناش عايشين ولا ايه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هند

avatar


مُساهمةموضوع: رد: لهجه الاسكندريه   2011-07-15, 6:25 pm

بس والله مفيده بجد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: لهجه الاسكندريه   2011-07-15, 7:22 pm

رائع
الرجوع الى أعلى الصفحة اذهب الى الأسفل
اسماء

avatar


مُساهمةموضوع: رد: لهجه الاسكندريه   2011-07-16, 10:46 pm

بجد معلومات كويسه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لهجه الاسكندريه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جمال الالفى :: الفئة الأولى :: كل المعلومات عن الاسكندريه-
انتقل الى: